JoVE: irakaskuntzarako eta ikerketarako 17.000 esperimentu-bideo zure eskura
Informazio honen edukia
- Harpidetza berria
- 3 sarbide
- Zer eskaintzen digu JoVEk?
- JoVE Hezkuntza
- JoVE Ikerketa
- Doako laguntza jaso nahi duzu zure irakaskuntza eta ikerketa-jardueretarako?
Harpidetza berria
UPV/EHUko Bibliotekak JoVE (Journal of Visualized Experiments) izenekoaren harpidetza nabarmen handitu du. JoVE metodo esperimentalak parekoek ebaluatutako bideo-formatuan argitaratzen ditu, eta kontzeptu eta teknika zientifikoak urratsez urrats azaltzen dizkie ikasleei eta maila guztietako ikertzaileei.
JoVE irakaskuntza-material tresna gisa erabiltzen duten irakasleek adierazten digutenez, bideo horiei esker, ikasleek zehatz-mehatz ezagutu ditzakete gure irakaskuntza-laborategietan nekez egin daitezkeen esperimentuak.
Orain arte, Bibliotekak 4 atal tematiko zituen sinatuta (Biology, Neuroscience, Medicine, Immunology and infection).
2024 eta 2025erako, berriz, Bibliotekak irakaskuntza-erabilerarako JoVEren bideo guztietarako harpidetza-eskaintza bat lortu du (Hezkuntza), ikerketarako interesgarriak diren bideoetarako sarbidea ematen duena (Ikerketa). 2026an ikusi beharko litzateke ea baden dirurik biak harpidetzeko, edo bakarra aukeratu behar den.
Harpidetza berri honekin, 17.000 bideotara sar gaitezke. Bideo horiek banan-banan sartuta daude gure katalogoan. Urtero 1.200 bideo berri gehituko dira.
3 sarbide
Bideo baliagarri batera iristeko, hiru bide hauetako edozein erabil dezakegu:
1.- Bilatu gure katalogoan https://ehu.on.worldcat.org/discovery?lang=eu interesatzen zaigun ingelesezko terminoa, eta ezkerreko menuan, erabili material-motaren iragazkia, “Bideo elektronikoak” hautatuta. Izenburuan klik eginez, esteka kopiatuz edo posta elektronikoz bidaliz bideo hori partekatzeko botoia ikusiko dugu. Hala, oso erraz sar daiteke esteka zuzena eGelan, ikasleen eskura jartzeko.
2.- Bibliotekako Katalogoan erregistro espezifiko bat sortu dugu bi bildumetako bakoitzarentzat, errazago bilatzeko honako hauek bereiziz:
Irakaskuntza: https://ehu.on.worldcat.org/oclc/1145275064
Ikerketa: https://ehu.on.worldcat.org/oclc/1360448617
3.- www.jove.com en bidez
Bideoak edozein lekutatik ikusteko (gelan, laborategian edo urrutitik), kontu bat www.jove.com/account sortu besterik ez duzu egin behar posta elektroniko instituzionala erabiliz, eta saioa hasi.
Zer eskaintzen digu JoVEk?
JoVE Hezkuntza
Heziketa-bideoek oinarrizko kontzeptu zientifikoak eta laborategiko metodologiak argitzen laguntzen dute animazioak eta aplikazio praktikoak erabiliz.
Bereizmen handian ikus daitezke edozein gailu mugikorretan, audioa ingelesez eta azpitituluak 14 hizkuntzatan, gaztelania barne. Gero eta bideo gehiago bikoizten ari dira gaztelaniara.
Fitxa horretan, zenbait atal bereizten dira:
JoVE Core
Funtsezko kontzeptuak jorratzen dituen baliabidea.
Biologia - Biologia Molekularra - Biologia Zelularra - Psikologia Soziala - Kimika - Kimika Organikoa - Estatistika - Fisika - Erizaintza - Anatomia eta Fisiologia - Ingeniaritza mekanikoa - Farmakologia
JoVE Science Education
Funtsezko kontzeptu zientifikoen aplikazio praktikoei buruzko atala.
Oinarrizko Biologia - Biologia Aurreratua - Ingurumen Zientziak - Kimika - Trebetasun Klinikoak - Fisika - Ingeniaritza - Psikologia
JoVE Lab Manual
Teoria eta praktika erakusten dituzten laborategiko praktikei buruzko bideoak.
Biologia - Kimika
JoVE Book
Oinarrizko kontzeptuak eta teknikak erakusten dituzten multimedia-testu liburuak, bideoko erakustaldiak, testu-azalpen xehatuak eta autoebaluaziorako galdera-sortak konbinatuz.
Kimika
JoVE Ikerketa
Metodologia aurreratuak bistaratzeko aukera ematen du.
Argi eta garbi erakusten ditu protokolo esperimentalaren xehetasun garrantzitsuenak.
Laborategian erabili ohi diren teknikak erreproduzitzeko aukera ematen du.
Fitxa horretan bi atal bereizten dira:
JoVE Journal
Ikus-entzunezko formatuan binaka berrikusitako lehen zientzia-aldizkaria, indexatua eta IF duena
Behavior - Biochemistry - Bioengineering - Biology - Cancer Research - Chemistry - Developmental Biology - Engineering - Environment - Genetics - Immunology and Infekzioion - Medicine - Neuroscience
JoVE Esperimentuen entziklopedia
Ikerketan gehien erabiltzen diren tekniken bideoak
Biology - Cancer Research - Biological Techniques - Immunology
Doako laguntza jaso nahi duzu zure irakaskuntza eta ikerketa-jardueretarako?
JoVE taldeko Arantxa Fernández zure esanetara dago, ikastaroetarako bideo egokienak identifikatzen eta ikasleekin partekatzen laguntzeko.
Posta elektronikoko mezua bidali Arantxari helbide honetara; arantxa.fernandez@jove.com: